現在還說House of Holland似乎有點遲來的春天，更遲的是我想講的是陳奕迅在巴士Roadshow穿的那件House of Holland，因為到今天仍然記憶猶新。第一次在巴士看到Eason那件House of Holland，情不自禁會問他為甚麼會好揀唔揀，揀那件來穿呢？House of Holland的T-Shirt賣點是甚麼？顏色夠鮮？個Print（個Font好普通之喎）？Cutting？Size？通通都唔係，答案是心口那一句Slogan。House of Holland的設計師Henry年輕有創意，有潮流觸覺，更有的是幽默感。

那些Slogans句句抵死，句句到肉，句句幽默，而且句句都和性有關係。”CAUSE ME PAIN HEDI SLIMANE”, “CUM AGAIN CHRISTOPHER KANE”, “DO ME DAILY CHRISTOPHER BAILEY”, “DO ME IN THE PARK MARC”等等等等。明眼人一睇就睇得出所謂何事，發出會心微笑。

而陳奕迅在巴士Roadshow穿的那件House of Holland，心口寫住”CUM AGAIN CHRISTOPHER KANE”，我諗Eason無理由唔知句嘢點解；就算Eason唔知，佢老婆都應該知；佢老婆都唔知，佢老友兼時裝顧問Wyman就一定知。點解仲會著上人流甚高的巴士Roadshow做訪問嘅？是Eason想挑戰港人的思想尺度？是Eason的幽默感？還是Eason著咗老婆件衫出街做訪問？好想知．．